Hafa lokið vegagerð yfir hraunið
Setja bókamerki
Vinna við lagningu hjáveitulagnar við Njarðvíkuræð gekk vel og örugglega fyrir sig í nótt. Vegagerð yfir hraunið er lokið og búið er að sjóða saman um helming stálröranna sem mynda lögnina.
Um 50 manns unnu að framkvæmdum í nótt og tekur nýtt fólk við keflinu í dag.
Þetta kemur fram í tilkynningu á vef HS Orku. Segir þar að vel hafi gengið að smíða allan tengibúnað og þegar sé byrjað að koma hluta hans fyrir við norðurenda hraunsins.
Lögnin 500 metrar og 80 tonn
Segir einnig að allur rekstur í orkuverum HS Orku sé stöðugur.
„Við suðuna hefur verið komið upp stóru framleiðsluplani sem liggur eftir löngum vegi og raða suðuteymi sér upp eftir línunni. Sjóða þarf saman hátt í fimmta tug stálröra og vinna mörg suðuteymi að verkinu samtímis.“
Lögnin verður um 500 metra löng og mun vega hátt í 80 tonn.
Óvenjulegur hraði
Aðstæður á vettvangi voru nokkuð erfiðar til suðu, hvasst en þó mun hlýrra en verið hefur að undanförnu.
Fram kemur að hraðinn á framkvæmdinni sé óvenjulegur og það sé einstakt að halda úti jafnmörgum ólíkum verkhópum við störf á sama tíma.
„Í þeim kringumstæðum er brýnt að fyllsta öryggis sé gætt um leið og kappkostað er að hleypa heitu vatni á Njarðvíkuræðina sem allra fyrst.“
Var að slitna frá bryggju sökum hvassviðris
Björgunarsveitir kallaðar út í nótt
Feðgar saman í Grænlandstúr á jólum
„Mikilvægt að hvíla viðbragðið“
/frimg/1/41/23/1412311.jpg)
Segja Kínverja hindra framgöngu réttvísinnar
Þungt ástand í margar vikur vegna RS-veiru
Strandveiðar í forgangi