Sterkar vísbendingar um að landris sé hafið á ný
Setja bókamerki
Sterkar vísbendingar benda til þess að landris sé hafið á Reykjanesskaganum. Aftur á móti hafa aðeins þrír skjálftar, allir undir 1 að stærð, mælst við kvikuganginn við Grindavík frá miðnætti.
Veðurstofan hefur lýst eldgosinu sem hófst 8. febrúar á milli Sundhnúks og Stóra-Skógsfells sem yfirstöðnu.
Bryndís Ýr Gísladóttir, náttúruvársérfræðingur á Veðurstofu Íslands, segir í samtali við mbl.is að landris virðist hafið samkvæmt GPS-mælingum, þó ekki sé hægt að slá því föstu alveg strax.
Vilja bíða eftir frekari mælingum
„Við viljum samt bíða og fá aðeins fleiri [mæli]punkta til að geta staðfest það alveg,“ segir Bryndís, sem er síðan innt eftir því hvort mælingarnar teljist sterkar vísbendingar um landris. Því svarar hún játandi.
Jarðeðlisfræðingurinn Benedikt Gunnar Ófeigsson, sem er fagstóri aflögunarmælinga á Veðurstofu Íslands, sagði í viðtali við Morgunblaðið á föstudag að land væri mjög líklega tekið að rísa á ný. Sú sé orðin venjan í eldgosunum á Reykjanesskaganum.
Eldfjallafræðingurinn Þorvaldur Þórðarson sagði þá einnig við mbl.is að teikn væru um að landris væri hafið á ný, þó ekki væri hægt að staðfesta það.
Kvikugangurinn rólegur – 3 skjálftar frá miðnætti
„Í kvikuganginum sjálfum hefur verið mjög lítil virkni síðustu tvo, þrjá daga,“ segir Bryndís.
„En við höfum verið að fá skjálfta víðar á Reykjanesskaganum, sem þarf ekki að tengjast þessu endilega en getur verið bakgrunnsvirkni.“
Þá segir hún að aðeins þrír skjálftar hafi mælst í kvikuganginum við Grindavík frá miðnætti. Allir voru þeir undir 1 að stærð.
Óeðlilegt að sama gjald verði tekið óháð þyngd
Þórður mun ekki taka þingsæti
Ekki eins og jólasveinn á hreindýrssleða
Skrifaði fyrstu fréttina af hvarfi Geirfinns
Ingibjörg skiptir um skoðun á ummælum Þórðar
/frimg/1/52/96/1529614.jpg)
Hálf öld liðin frá hvarfi Geirfinns
Vonast eftir breiðri þverpólitískri sátt
„Þetta er algerlega hans ákvörðun“