Myndskeið: Mótmælendum heitt í hamsi
Setja bókamerki
Tengdar fréttir
Flóttafólk á Íslandi
„Hér er allt enn í fullum gangi og búið að vera að mótmæla síðan klukkan þrjú,“ segir Iðunn Andrésdóttir, blaðamaður mbl.is, sem var á vettvangi mótmæla við Alþingishúsið þegar hún ræddi við mbl.is nú fyrir skemmstu.
Komu íslenskir sem palestínskir mótmælendur saman á Austurvelli til að mótmæla aðgerðaleysi íslenskra stjórnvalda í málefnum dvalarleyfishafa sem staddir eru í stríðsátökunum á Gasasvæðinu.
Krefjast mótmælendur þess að stjórnvöld uppfylli það loforð sitt að sameina fjölskyldur dvalarleyfishafa sem eiga ættingja hérlendis.
Mikið um hróp og köll
Kveður Iðunn mótmælin hafa verið friðsamleg og um tug lögregluþjóna hafa verið á vettvangi. Mótmælendur, sem hafi verið nálægt hundrað manns, hafi gengið umhverfis Alþingishúsið og við hliðið inn í garðinn aftan við þinghúsið hafi nokkrir mótmælenda sest niður.
„Þá tók lögreglan að veifa úðabrúsum með gasi,“ segir Iðunn frá og getur sér til að lögreglu hafi ekki litist á að mótmælendur hafi komið of nærri gluggum þinghússins í þröngu portinu við garðshliðið.
Segir Iðunn töluverðan hita hafa verið í mótmælendum á meðan hún var enn á svæðinu og mikið um hróp og köll þar sem utanríkisráðherra hafi oftar en ekki verið sá embættismaður er skotið var til. Þá var eggjum kastað í Alþingishúsið.
Palestínsku mótmælendurnir hafi augljóslega verið í mikilli geðshræringu yfir örlögum landa sinna og ættingja og margir verið grátandi eða gráti næst.
Tengdar fréttir
Flóttafólk á Íslandi
Skipulagði aðgerðir fyrir Ólympíuleikana
Segir afsökun Microsoft lélega
Hlutfallslega flestir fóru í Voga
Mönnun lögreglu líður fyrir mótmæli
/frimg/1/43/58/1435868.jpg)
Brimborg biðst velvirðingar
„Þú ert bara orðin miðaldra kona“
Kennir að vera Íslendingur í þúsundasta skipti