Skertar útsvarstekjur áhyggjuefni
Setja bókamerki
Áhyggjuefni er ef fjölmenni flytur lögheimili sitt frá Grindavík, þar sem þá verður bærinn af þeim útsvarstekjum sem ella myndu falla bæjarsjóði í skaut.
Margir hafa þó skráð aðsetur sitt annars staðar en í bænum, en haldið lögheimilisskráningu sinni þar, og mun því bærinn njóta skatttekna þeirra áfram. Þetta segir Fannar Jónasson bæjarstjóri Grindavíkur í samtali við Morgunblaðið.
Fyrir liggja drög að lagafrumvarpi þar sem Grindvíkingum er gefinn kostur á að ríkið leysi íbúðarhúsnæði þeirra til sín, en fjölmargir hafa kallað eftir slíku úrræði.
Kurr er meðal atvinnurekenda í bænum vegna þeirra ströngu takmarkana um aðgang að bænum sem í gildi eru og einnig vegna þess að lítt sé horft til fyrirtækjanna hvað varðar stuðning í þeirri erfiðu stöðu sem uppi er.
Fjallað er nánar um málið í Morgunblaðinu í dag.
Lát hjóna í Neskaupstað: Ákæra gefin út
Forstjóri bendir á ábyrgð birgja vegna verðhækkana
Var engin kristnitaka árið 1000?
„Mér finnst gamla Samfylkingin komin aftur“
Barn lést í árásinni
Funda með þingflokkum
Víkingar komnir yfir 800 milljónir í greiðslur
Ný ríkisstjórn kynnt á morgun
