Samninganefndir Fagfélaganna (MATVÍS, VM og RSÍ) hafa gefið fulltrúum sínum við samningaborðið 10 daga frest til að ná saman við Samtök atvinnulífsins um nýjan kjarasamning á almennum markaði.

Frétt af mbl.is

Samningar yfir 100 þúsund að losna

Hafi aðilar ekki komist að samkomulagi að þeim tíma liðnum munu samninganefndirnar hefja undirbúning aðgerða.

Þetta var niðurstaða hitafundar samninganefnda félaganna þriggja í Húsi fagfélaganna í hádeginu í dag, að því er kemur fram í tilkynningu.

Líflegar umræður 

Þar kynnti Benóný Harðarson, forstöðumaður kjaradeildar Fagfélaganna, stöðu mála í samningaviðræðum við SA.

„Að kynningu lokinni tóku við líflegar umræður, sem fóru langt fram úr tímaáætlun. Ljóst er af þeim umræðum að þolinmæði fyrir árangurslitlum samtölum við samningaborðið í húsakynnum ríkissáttasemjara er á þrotum. Bent var á að mánuðir séu liðnir frá því samtalið hófst,” segir í tilkynningunni.

Frétt af mbl.is

Kjaraviðræður fagfélaga og SA „mjakast áfram“

„Samninganefndirnar hafa í ljósi þessa verið boðaðar til annars fundar föstudaginn 23. febrúar, eftir 8 daga. Verði ekki útlit fyrir að samningar takist þá helgi, hyggjast samninganefndir MATVÍS, VM og RSÍ leggja á ráðin um undirbúning aðgerða til að knýja á um nýjan kjarasamning.”

Fram kemur í tilkynningunni af fagfélögin hafi fundað með SA hjá ríkissáttasemjara í gær, miðvikudag og í dag. Kjarasamningar runnu út síðastliðin mánaðamót.

Tengdar fréttir

Kjaraviðræður

Farmenn felldu nýjan kjarasamning

• Vilja hækka frítekjumörk og tekjur
• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms

» Fleiri tengdar fréttir

• Blogga um frétt