„Slökkviliðið er að nota alla brunahana“
Setja bókamerki
Búið er að girða af stórt svæði í kringum eldsvoðann í Fellsmúla.
Friðjón Ingi, varðstjóri lögreglunnar, segir í samtali við blaðamann mbl.is að það hafi verið gert til að tryggja öryggi á svæðinu.
Fólk of nálægt vettvangi
„Það var mikið af sprengingum hér áðan og við vissum ekki nákvæmlega hvað var í gangi. Fólk var aðeins ofan í vettvanginum þannig við vildum loka hann af,“ segir Friðjón.
Vel hefur gengið að girða af svæðið að sögn Friðjóns. „Einn og einn hefur farið inn á lokað svæði en þeir einstaklingar hafa svarað tiltali lögreglu,“ bætir hann við.
Búið er að girða af Grensásveg rúmlega upp að Miklubraut, Grensásveg að Fellsmúla og Fellsmúla upp að Síðumúla.
Þarf mikið vatn í slökkviliðsstörf
Lögreglan hefur einnig girt af hringtorg í Skeifunni þar sem brunahanar eru í notkun.
„Slökkviliðið er að nota alla brunahana hér í kring. Það þarf mikið vatn.“
Hann kveðst ekki vita hvað orsakaði sprengingarnar en segir þær ekki hafa farið langt út fyrir bygginguna.
Lögreglan verður líklegast á svæðinu fram á morgun til að fylgjast með vettvanginum og tryggja að eldur taki sig ekki upp að nýju.
Rússar sagðir útvega N-Kóreu milljón olíutunnur
Pútín reynir allt til að forðast aðra herkvaðningu
Yfir 300 stæði fóru undir hraun
Hraun kemur úr þremur gígum: Virknin stöðug
Sólveig Anna furðar sig á aðferðum kennara
Viðræður ekkert þokast frá því á þriðjudag
