Frumvarp Þórdísar Kolbrúnar Reykfjörð Gylfadóttur, fjármála- og efnahagsráðherra, um kaup á íbúðarhúsnæði í Grindavík, er eina málið á dagskrá á þingfundi í dag.

Fundurinn hefst klukkan 13.30.

Frumvarpið er 26 blaðsíður og voru drög að því birt á föstudaginn í samráðsgátt stjórnvalda. Var almenningi veitt tækifæri til að gefa umsögn fram á mánudag. Í markmiði laganna segir meðal annars:

„Markmið laga þessara er að verja fjárhag og velferð íbúa í Grindavíkurbæ í ljósi óvissuástands vegna jarðhræringa með því að gefa einstaklingum í bæjarfélaginu kost á að losna undan þeirri áhættu sem fylgir eignarhaldi íbúðarhúsnæðis í bænum.“

Húsnæðisverð myndi líklega hækka

Í frumvarpinu kemur fram mat á áhrifum eins og til dæmis áhrif á húsnæðisverð, vexti, verðbólgu og fleira. Þar kemur fram að talið sé að líklega muni húsnæðisverð hækka á landsvísu.

„Áhrifa þeirra tilfærslna sem frumvarpið leiðir til mun fyrst og fremst gæta á húsnæðismarkaði og er frumvarpið líklega til þess fallið að hækka húsnæðisverð á landsvísu. Þau áhrif leggjast við þá hækkun sem ætla má að leiði af áhrifum jarðhræringanna til þessa sem og áhrifum af greiddum bótum náttúruhamfaratrygginga,“ segir meðal annars í frumvarpinu.

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt