Helmingur heita vatnsins glatast í leka
Setja bókamerki
Páll Erland, forstjóri HS Veitna, segir að hátt í helmingur heits vatns sem fari úr Svartsengi til Grindavíkur skili sér ekki í bæinn.
Ástæðan sé leki sem nú er leitað til viðgerðar.
Erfitt reyndist að ná upp þrýstingi í Grindavík
Þrýstingur í dreifikerfinu í Grindavík mælist mjög lágur og lekinn skýri hvers vegna erfitt hefur reynst að ná upp þrýstingi á hitaveitunni í Grindavík, þrátt fyrir að búið sé að gera við helsta þekktu leka í bænum.
„Það liggur ekki fyrir núna hverjar eru orsakir lekans, en í samráði við almannavarnir er þegar byrjað að grafa niður á bilunina. Þá kemur í ljós hverju sætir og hvað er hægt að gera til viðgerða.“
Þessi vandi sé staðbundinn við Grindavík, segir Páll, og hefur ekki áhrif víðar um Suðurnes. Úr Svartsengi liggi tvær lagnir. Önnur til Reykjanesbæjar (Njarðvíkuræðin), sem fór í síðasta eldgosi. Nú ræði um Grindavíkuræðina sem fór í eldgosinu í janúar.
Ekki hætta á að lögnin gefi sig
Páll telur þessa bilun ekki hafa áhrif í Grindavík umfram það ástand sem ríkt hafi í bænum nú um nokkuð skeið.
Vinna við viðgerð er þegar hafin og telur Páll megi mæla vinnuna framundan í sólahringum, án þess að geta staðfest það nú.
Hann segir miklu máli skipta að koma eðlilegum vatnsþrýstingi á í Grindavík og eins að fara vel með það vatn sem framleitt er í orkuverinu í Svartsengi. Ekki telur hann þó hættu á að lögnin fari í sundur.
Taldi betra fyrir drengina að deyja
Traust til kvenleiðtoga fer minnkandi
Vandræði með vatn í Bolungarvík
Sleginn yfir grófri framkomu gegn fjölskyldunni
Önnur aurskriða við Eyrarhlíð
Nokkrar skriður féllu á Vestfjörðum
„Allt í rusli“ við brúargerð á Vestfjörðum
