Páll Erland, forstjóri HS Veitna, segir framboð af heitu vatni og rafmagni nú vera komið í eðlilegt horf á Suðurnesjum.

Hann segist þakka því hve viðgerð tókst fljótt að ekki urðu miklar skemmdir vegna heitavatnsleysis.

Frétt af mbl.is

„Miðað við stöðuna í dag lítur þetta mjög vel út“

Heitt vatn ferjað úr Hafnarfirði

„Ég þakka líka samheldni fólks á svæðinu, að passa upp á eignir með þeirri takmörkuðu rafkyndingu sem var í boði.

Sömuleiðis þakka ég þeirri nýbreytni hjá HS Veitum að ferja heitt vatn frá Hafnarfirði á tankbílum til svæðisins. Það stuðlaði að því að kerfin okkar voru tilbúin til áfyllingar þegar heita vatnið fór að renna frá Svartsengi.“

Frétt af mbl.is

Smálekar í stofnkerfi valda heitavatnsleysi

Alltaf gott að fara vel með heitt vatn og rafmagn

Páll segist merkja það að hlutir hafi færst í nokkuð eðlilegt lag að HS Veitum berist nú fá símtöl um leka eða bilanir.

Hann segir því engan orkuskort lengur á Suðurnesjum og bætir við:

„Það er alltaf gott að tileinka sér skynsamlega notkun á rafmagni og heitu vatni, en ekki er ástæða til að sýna meiri ráðdeild núna en venjulega.“

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt