Nálgun Kristrúnar „raunsæ“
Setja bókamerki
Jóhann Páll Jóhannsson, þingmaður Samfylkingarinnar, tekur undir orð Kristrúnar Frostadóttur, formanns flokksins, um að hælisleitendakerfið hér á landi sé ósjálfbært og að Ísland eigi ekki að skera sig úr frá Norðurlöndum. Kristrún ræddi málefni hælisleitenda í hlaðvarpsþætti á dögunum og þar sagði hún jafnframt að ekki sé hægt sé að vera með opin landamæri samhliða velferðarkerfinu.
„Ég er sammála Kristrúnu og finnst hún nálgast þessi mál af raunsæi,“ segir Jóhann Páll í skriflegu svari til mbl.is. „Þessi mál eru auðvitað stöðugt til umræðu innan flokksins og eðlilegt að um þau séu skiptar skoðanir í stórum flokki, rétt eins og hjá systurflokkum okkar í Evrópu,“ segir hann ennfremur.
Ekki hefur náðst í Loga Einarsson, þingflokksformann Samfylkingarinnar, vegna málsins. Þingmaðurinn Oddný Harðardóttir kvaðst ekki vilja tjá sig við fjölmiðla fyrr en málið hefur verið rætt innan flokksins. Hún segir ekkert samtal hafa farið fram innan flokksins um málið sem hún hefur tekið þátt í.
Dagbjört Hákonardóttir baðst undan viðtali. Ekki hefur náðst í Þórunni Sveinbjarnardóttur.
Mæðgur dæmdar til að greiða 64 milljónir
„Má segja að þetta gos hafi þjófstartað“
Mjög alvarlegt ef Njarðvíkuræð gefur sig
Börn hafi engan rétt á leikskólakennslu
Ástæða til að ætla að eldgosahrinu fari að ljúka
Spara stórfé með olíukaupum ytra
Hraunið við bílastæði Bláa lónsins