Lögreglan á höfuðborgarsvæðinu hefur tekið við vettvangi í Fellsmúla þar sem mikill eldur braust út í bifreiðaþjónustu N1 á sjötta tímanum í gær. Tæknideildin mun rannsaka eldsupptök síðar í dag. 

Allt tiltækt slökkvilið var kallað á vettvang og tókst að slökkva í síðustu glæðunum í nótt. Mun tæknideild lögreglunnar hefja rannsókn á vettvangi við birtingu, að sögn Ásmundar Rúnars Gylfasonar, aðstoðaryfirlögregluþjóns hjá lögreglunni á höfuðborgarsvæðinu. 

Frétt af mbl.is

Leita af sér allan grun

Búið að aflétta helstu lokunum

„Tæknideildin kemur og skoðar vettvang með tilliti til þess hvort að það sé hægt að átta sig á eldsupptökum,“ segir Ásmundur en enn er óljóst um upptök eldsins og þá hvort um íkveikju hafi verið að ræða eða ekki. 

Ásmundur segir að búið sé að aflétta helstu lokunum á svæðinu, en svæðið sé þó enn afgirt austan megin við húsið. Nú vinnur lögreglan að því að haga lokunum með þeim hætti að hægt verði að hefja starfsemi með eðlilegum hætti í nærliggjandi húsum. 

Spurður hvort hægt verði að hefja starfsemi í dag í þeim fyrirtækjum sem staðsett eru í sömu byggingu og eldurinn kom upp svarar Ásmundur að það sé enn óljóst á þessum tímapunkti. 

Frétt af mbl.is

Stórbruni í Fellsmúla

Frétt af mbl.is

Eldurinn breiðist út og sprengingar heyrast

Mikill eldur kom upp í bifreiðarþjónustu N1 við Fellsmúla á sjötta tímanum í gær. mbl.is/Arnþór

Tengdar fréttir

Stórbruni í Fellsmúla

Bilanir í slökkvibúnaði í Fellsmúlabruna

• Flytja í Holtagarða eftir stórbrunann
• Eldurinn átti líklega upptök sín í rafmagnshitara
• Lyktin loks farin og opnað á morgun
• „Líður eins og Stout hafi farið verst út úr þessu“

» Fleiri tengdar fréttir

• Blogga um frétt