„Slökkviliðið vann greinilega frábæra vinnu“
Setja bókamerki
„Ég held að þetta hafi sloppið betur en á horfðist í byrjun. Slökkviliðið vann greinilega frábæra vinnu með því hindra að eldurinn færi ekki inn í fleiri rými í húsinu.“
Þetta segir Björn Broddason, varðstjóri hjá lögreglunni á höfuðborgarsvæðinu, þegar hann ræddi við blaðamann mbl.is fyrir utan verkstæði N1 í Fellsmúla þar sem varð stórbruni í gærkvöld.
/frimg/1/47/20/1472059.jpg)
„Ástandið er þokkalegt að sjá svona við fyrstu sýn en þetta á allt eftir að skoðast betur. Við ætlum að reyna að koma því þannig fyrir að starfsmenn hjá N1 geti komið og skoðað aðstæður og reyna að koma þessu í gang að einhverju leyti. Þessi tvö bil á vegum N1 í húsinu eru talsvert skemmd og dekkjalagerinn sem er hinum megin í húsinu lítur mjög illa út og þar er allt brunnið,“ segir Björn.
Mikil mengun, hiti og óþrifnaður
Hann segir að svo stöddu sé ekki vitað um eldsupptök en tæknideild lögreglunnar var mætt snemma í morgun á staðinn í rannsóknarvinnu. Björn segir að niðurstaða úr þeirri rannsókn liggi sennilega ekki fyrir fyrr en eftir helgina.
„Aðstæður eru erfiðar. Það er mikil mengun í húsinu, mikill hiti og óþrifnaður. Þetta verður bara að skoðast í rólegheitum,“ segir Björn.
Biden dregur framboð sitt til baka
Fossvogslaug ekki í áætlunum Kópavogs
Hver var hvati Crooks?
Engar reglur til að takast á við stöðuna
Óráðleg og afdrifarík ákvörðun skólayfirvalda
Myndskeið: Rýkur úr sprungu sem klýfur Hagafell
„Það er stutt á milli stórra atburða“
„Það er þá bara alltaf orðrómur“