Stéttarfélög leigubílstjóra, B.Í.L.S og Frami, harma frétt af ofbeldisbroti á farþega í leigubíl. Þetta kemur fram í tilkynningu sem félögin sendu frá sér fyrr í kvöld. Þar kemur fram að félögin voru búin að vara stjórnvöld við afleiðingum lagabreytinga um leigubílaakstur.

Tveir menn voru handteknir í upphafi mánaðar grunaðir um gróft kynferðisbrot gegn konu. Annar maðurinn er leigu­bíl­stjóri og tengist at­vinna hans brot­inu beint sam­kvæmt upp­lýs­ing­um frá lög­regl­unni á höfuðborg­ar­svæðinu.

Frétt af mbl.is

Grunaðir um nauðgun í Kópavogi eftir leigubílaferð

Vona að stjórnvöld veiti brotaþola stuðning

„Stjórnarmenn Bandalags íslenskra leigubifreiðastjóra og Bifreiðastjórafélagsins Frama harma að ung kona hafi nýlega orðið fyrir ofbeldi af hendi tveggja manna, þar af meints leigubifreiðastjóra. Forsvarsmenn starfstéttar leigubifreiðastjóra óska ungu konunni góðs bata.
Brotaþoli getur þurft að stríða lengi við afleiðingarnar af slíku ofbeldi og endurupplifa það í ferlinu til að geta sótt rétt sinn.“

Þá segir að félögin voni að stjórnvöld veiti brotaþola nauðsynlegan stuðning til þess að ganga alla leið í gegnum ferli ákærunnar og batans.

Höfðu varað við lagabreytingum um leigubifreiðaakstur

„Félögin B.Í.L.S. og Frami voru ítrekað búin að vara stjórnvöld við þeim afleiðingum sem biðu síðustu lagabreytinga, en mættu fyrirlitningu ráðamanna og skilningsleysi þeirra á viðkvæmu umhverfi leigubifreiðaaksturs.“

Samkvæmt tilkynningunni höfðu forsvarsmenn leigubílstjóra óskað eftir fundi með innviðaráðherra um málið áður en það færi í gegn.

Þá segir að ráðherra hafi samþykkt samtal með leigubílstjórun, en það hafi ekki gengið eftir og ráðherra hafi flýtt frumvarpinu í gegnum þingið síðustu daga fyrir jólafrí árið 2022.

Frétt af mbl.is

Biður þingmenn um að fresta lagabreytingum

„Við viljum biðja þá þingmenn sem kusu með lagabreytingunni að horfast í augu við eigin mistök og við sendum þeim þingmönnum sem kusu gegn breytingunni einlægar þakkir.“

Að lokum er kallað eftir endurskoðun og ósk um viðbrögð til batnaðar í umhverfi leigubifreiðaaksturs í tilkynningunni.

Tengdar fréttir

Leigubílaþjónusta

Fjöldatakmörk ekki lausnin

• Kynferðisbrotamálin komin á borð héraðssaksóknara
• Segir ítrekuð nauðgunarmál hafa komið upp
• „Hvað á það að kosta mörg slys?“
• Orðrómurinn farinn að fæla fólk frá landinu

» Fleiri tengdar fréttir

• Blogga um frétt