„Höfum viljað ná tali af honum“
Setja bókamerki
„Við höfum verið með hann til rannsóknar og lokið rannsókn hvað varðar aðra einstaklinga í máli er varðar innflutning á töluverðu magni af kókaíni,“ segir Grímur Grímsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu, í samtali við mbl.is um mál Péturs Jökuls Jónassonar.
Hefur lögregla lýst eftir Pétri Jökli á alþjóðavettvangi með fulltingi alþjóðalögreglunnar Interpol vegna gruns um aðild hans að stóra kókaínmálinu svokallaða sem varðaði flutning 99,25 kílógramma af efninu frá Brasilíu til Íslands.
Fátítt að lýst sé eftir grunuðum gegnum Interpol
„Við höfum viljað ná tali af honum ekki tekist og þess vegna er gripið til þessa úrræðis,“ útskýrir yfirlögregluþjónninn og bætir því við aðspurður að fátítt sé að lögregla gefi út eftirlýsingu alþjóðlega. „Ég held að það nái ekki yfir eitt skipti á ári en þetta kemur fyrir,“ segir Grímur og kveður slíka eftirlýsingu meðal annars fela í sér eftirlit á landamærum.
Lögreglu segir hann ekkert vita um hvar í heiminum Pétur Jökull kunni að vera staddur um þessar mundir.
Ók í gegnum rúðu og reyndi að nema banka á brott
Segir lögreglu hafa hætt við þegar lögmaður mætti
„Við munum grípa inn í“
„Guð forði okkur frá því“ að Ísland missi tengslin
300 tonn af búslóðum Grindvíkinga beint á haugana
Skoða ráðstafanir vegna mikillar kuldaspár
Taka upp grímuskyldu á Landspítalanum