Úlfar Lúðvíksson, lög­reglu­stjóri á Suður­nesj­um, mun kynna fyrirkomulag um aðgengi að Grindavíkurbæ á morgun. Þangað til verður fyrirkomulagi síðustu fimm vikna haldið. 

Þetta kemur fram í tilkynningu frá almannavörnum.

Þann 13. janúar tók ríkislögreglustjóri ákvörðun um brottflutning úr Grindavík til þriggja vikna og var ákvörðunin síðar framlengd til 19. febrúar. Á meðan hefur lögreglustjórinn á Suðurlandi ekki farið með ákvörðun um aðgengi að svæðinu, en hann tekur nú við því hlutverki á nýjan leik. 

Frétt af mbl.is

Framlengir lokun Grindavíkur

Enn til staðar alvarlegar brotalamir í Grindavík 

Á þessum fimm vikum hefur verið unnið að því að meta hættuna í bænum og nú liggur til að mynda fyrir niðurstaða áhættumats almannavarnadeildar vegna sprunguhættu.

Niðurstaðan er sú að áhættan fyrir dvöl og starfsemi í Grindavík sé ásættanleg meðal annars með hliðsjón af þeim mótvægisaðgerðum sem gripið hefur verið til.

Þrátt fyrir það eru enn til staðar alvarlegar brotalamir í Grindavík og því ljóst að aðgengi mun vera ákveðnum skilyrðum háð, eðli málsins samkvæmt. 

Nú er það þó í höndum Úlfars Lúðvíkssonar, lögreglustjóra á Suðurnesjum, að meta hættuna samkvæmt fyrirliggjandi gögnum hverju sinni og gefa út eða taka ákvörðun um rýmingu sé þess þörf. 

Tengdar fréttir

Eldvirkni á Reykjanesskaga

„Á tánum og í viðbragðsstöðu“

• Engir skjálftar yfir kvikuganginum
• Segir hættustigið forvörn fyrir helgina
• Hættustigi lýst yfir vegna hættu á eldgosi
• Áhyggjuefni ef gos hefst í vondu veðri

» Fleiri tengdar fréttir

• Blogga um frétt