Kalt vatn rennur nú til Grindavíkur og stefnt er að að hleypa þrýstingi á lagnir. Til að byrja með er vatn látið renna til að hreinsa lagnirnar og eins og sjá má á meðfylgjandi myndum fossar vatn úr brunahönum í Grindavík.

Frá aðgerðum í morgun. mbl.is/Eggert Jóhannesson

„Þetta er mikill gleðidagur fyrir bæinn. Aðgerðir í dag snúa að því að koma vatni á stofnlögn á bryggjunni,“ segir Einar Sveinn Jónsson, slökkviliðsstjóri í Grindavík.

Einar Sveinn Jónsson, slökkviliðsstjóri í Grindavík. mbl.is/Eggert Jóhannesson

„Við þurfum að hleypa þrýstingnum mjög varlega á því heimtaugar geta verið frostsprungnar og verið í sundur,“ segir Einar.

Hann vonast til þess að vatn komist á hafnarsvæðið um hádegisbilið. Í framhaldinu verður svo hægt og rólega hleypt vatni á í hverfunum þar sem íbúar búa.

mbl.is/Eggert Jóhannesson

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt