Grunnskólabörn á Raufarhöfn gætu þurft að ferðast langa vegalengd til að komast í skóla næsta haust.
Ríkisútvarpið greinir frá því að sveitarstjórn Norðurþings ætli að gera eina tilraun til þess að ráða fagmenntað starfsfólk í Grunnskóla Raufarhafnar fyrir upphaf næsta skólaárs.
Ef það tekst ekki verður grunnskólanum lokað og börnin keyrð í Öxarfjarðarskóla. Um 55 kílómetrar eru þar á milli.
Ellefu nemendur eru nú skráðir í skólann og hefur gengið illa að ráða fagmenntað starfsfólk og stjórnendur.