Heitt vatn er nú komið aftur á Grindavíkurbæ og er áætlað að eðlilegur þrýstingur verði kominn á hitaveituna eftir helgi. 

Þetta kemur fram í tilkynningu HS Veitna.

Ný hjáveitulögn var tengd við hitaveituna í dag og gengu framkvæmdir vel. Lokað var fyrir heitavatnið í morgun á meðan framkvæmdir stóðu.

Skemmdir urðu á hitaveitulögninni frá Svartsengi til bæjarins með þeim afleiðingum að um helmingur af heitavatninu sem sent var frá orkuverinu til Grindavíkur tapaðist á leiðinni. Lögnin lenti undir hrauni í eldgosinu þann 14. janúar.

Til stóð að gera við lögnina en aðstæður reyndust of krefjandi og var ákvörðun tekin um að leggja hjáveitulögn.

Í tilkynningu HS Veitna segir að hjáveitulögnin, sem nú búið er að leggja yfir nýja hraunið, sé ekki ný heldur hafi eldri lögn sem var ekki notkun verið endurnýtt.