Hlýnar í dag

Bjart og kalt veður er víða á landinu nú í morgunsárið en í dag nálgast lægð úr suðvestri og eftir hádegi snýst í hægt vaxandi suðlæga átt og hlýnar smám saman.

Þá þykknar jafnframt upp vestantil á landinu og þar má búast við rigningu eða snjókomu seint í kvöld þegar skil lægðarinnar ganga inn á land. Svo segir í hugleiðingum veðurfræðings.

Í fyrramálið verður sunnan strekkingur eða allhvass vindur og víða rigning, en úrkomulítið um landið norðaustanvert. Hiti 2 til 8 stig.

Á morgun dregur smám saman úr vindi og úrkomu, en undir kvöld er útlit fyrir að næsta úrkomusvæði komi inn yfir landið með rigningu eða slyddu og kólnandi veðri.

Veðurvefur mbl.is

• Blogga um frétt