Slökkviliðsmenn voru á vakt við húsið sem kviknaði í við Stekkjarbakka í gærkvöldi þangað til um hálftvöleytið í nótt, eða í um klukkutíma í viðbót eftir að slökkvistarfinu lauk.
Vildu þeir fylgjast með því hvort það myndi kvikna aftur í glæðum en það gerðist ekki.
Að sögn varðstjóra hjá slökkviliðinu á höfuðborgarsvæðinu er ekki ljóst um eldsupptök.
Við slökkvistarfið í gær var rifið eitthvað af þaki hússins en veggir eru enn uppi standandi.
Mesti eldurinn var í millilofti og er líklegt að eldurinn hafi kviknað þar.