Stjórnvöld munu styrkja ICRC um 30 milljónir árlega
Setja bókamerki
Íslensk stjórnvöld undirrituðu í gær nýjan samstarfssamning um stuðning Íslands við Alþjóðaráð Rauða krossins (International Committee of the Red Cross, ICRC) til næstu þriggja ára. Um er að ræða 30 milljón króna styrk íslenskra stjórnvalda til ICRC árlega á tímabilinu 2024-2026.
Þetta kemur fram í tilkynningu á vef Stjórnarráðsins.
Anna Jóhannsdóttir, staðgengill ráðuneytisstjóra utanríkisráðuneytisins, undirritaði samninginn fyrir hönd Íslands ásamt Robert Mardini, framkvæmdastjóra ICRC.
Ísland leggur sitt af mörkum
„Stuðningur alþjóðaráðsins snýr ekki síst að lagalegri vernd og aðstoð við fórnarlömb vopnaðra átaka á grundvelli mannúðarlaga. Með fyrirsjáanlegum og áreiðanlegum framlögum til næstu þriggja ára leggur Ísland sitt af mörkum til brýnustu mannúðarverkefna stofnunarinnar,“ segir Bjarni Benediktsson utanríkisráðherra í tilkynningunni.
Þá segir að stofnunin ICRC er skilgreind sem samstarfsaðili í mannúðaraðstoð í stefnu um alþjóðlega þróunarsamvinnu Íslands fyrir árin 2024-2028.
Margvíslegur stuðningur stjórnvalda við Rauða krossinn
Auk samningsins sem undirritaður var í dag eiga íslensk stjórnvöld í samstarfi við Rauða krossinn á Íslandi (RKÍ) á sviði mannúðaraðstoðar og þróunarsamvinnu og styðja verkefni ICRC og IFRC (Alþjóðaráð Rauða hálfmánans) gegnum rammasamninga við RKÍ.
Tilkynnt var um 25 m.kr. viðbótarframlag til RKÍ þann 30. janúar sl., vegna viðbragða ICRC við þeirri neyð sem nú ríkir fyrir botni Miðjarðarhafs.
Búið að opna Hellisheiði
KEF Spa: „Eitthvað sem þú hefur ekki séð áður“
Éljagangur en síðan slydda eða rigning
Skoða ráðstafanir vegna mikillar kuldaspár
38 létust í flugslysi
Hellisheiði og Þrengsli ekki opnuð í dag
Æskuvinir sem fóru í víninnflutning frá Georgíu
Segir umsókn að ESB vera óvirka