Innlent | mbl | 29.2.2024 | 9:09 | Uppfært 13:06

„Átök um einstök atriði“

Vilhjálmur Birgisson, formaður Starfsgreinasambandsins og Ástráður Haraldsson ríkissáttasemjari. mbl.is/Eggert Jóhannesson

Óvíst er hvort fundur verður boðaður í kjaradeilu breiðfylkingar og Samtaka atvinnulífsins í Karphúsinu í dag.

Frétt af mbl.is

Efling sá ekki tilganginn með að mæta í Karphúsið

Starfsgreinasambandið og og Samiðn funduðu með Samtökum atvinnulífsins í gær en Efling ákvað að mæta ekki við fundarborðið og í gærkvöld var ákveðið á fundi samninganefndar Eflingar að efna til atkvæðagreiðslu um verkfall hjá ræstingafólki. Hún hefst á mánudaginn og verði sú tillaga samþykkt mun ræstingafólk í Eflingu leggja niður störf þann 18. mars.

„Það er ekki búið að taka neinar ákvarðanir um fundarhöld í dag. Það er í samráði við samningsaðila um framhald málsins en engin boðun hefur verið send enn þá. Það gæti alveg orðið fundur í dag en það er bara óvíst,“ segir Ástráður Haraldsson ríkissáttasemjari við mbl.is.

Frétt af mbl.is

Einlægur vilji SA að Efling komi aftur að borðinu

Hann segir að nokkrum málum hafi verið vísað til ríkissáttasemjara og ef það verði haldnir fundir í einhverju þeirra eða þeim öllum þá verði þeir boðaðir sem eiga aðild að málinu. Spurður hvort kjaradeila breiðfylkingarinnar og Samtaka atvinnulífsins sé komin í hnút segir Ástráður:

„Það eru átök um einstök atriði eins og stundum áður,“ segir hann.