Ný umsagnagátt hefur verið tekin í notkun á vef Alþingis, að því kemur fram í tilkynningu á vef þingsins. Skrifstofustjóri Alþingis segir þetta vera langþráð framfaraskref. 

Fram kemur að gáttin eigi að einfalda ferlið að senda inn umsagnir um þingmál.

Hægt er að skrá sig inn í gáttina með rafrænum skilríkjum, velja þingmál af lista, draga viðeigandi skjöl inn í gáttina og senda. Umsagnir birtast opinberlega undir þingmálum á vef Alþingis samkvæmt starfsreglum fastanefnda sem forseti Alþingis hefur sett.

Ragna Árnadóttir, skrifstofustjóri Alþingis, segir þetta vera langþráð framfaraskref og Alþingi vera nýta sér tæknina til að gera kerfið einfaldara og skilvirkara fyrir alla aðila.

„Þetta er til mikilla þæginda, á að vera betra fyrir notendur og er ákveðinn vinnusparnaður fyrir skrifstofuna,“ segir Ragna í samtali við mbl.is. 

Þrátt fyrir nýjungina verður enn hægt að senda inn umsagnir með gamla laginu.

Hægt er að tengjast umsagnagátt Alþingis hér, einnig má nálgast leiðbeiningar um ritun umsagna á vef Alþingis.

Tengdar fréttir

Alþingi

Sigmundur og Þorgerður tóku minnst þátt

• Ríkisstjórnin leggur nýtt gjald á nikótínvörur
• Næstu skref þingforseta óráðin
• Beint: Bjarni tilkynnir um þingrof og kosningar
• Lilja aðstoðar Þórdísi

» Fleiri tengdar fréttir

• Blogga um frétt