Skólastjórnendur ósáttir við sameiningu

Skólastjórnendur grunnskóla í Fjarðabyggð eru ósáttir við fyrirhugaðar breytingar á skólamálum þar og þær rangfærslur sem fram hafa komið í kjölfarið.

Skólastjórnendur skólanna funduðu í dag á Reyðarfirði og sendu í kjölfarið frá sér tilkynningu, þar sem þeir lýstu yfir óánægju sinni með breytingarnar, en þær fela í sér sam­ein­ingu allra skóla í Fjarðabyggð. Það er að all­ir grunn­skól­ar sam­ein­ist und­ir Grunn­skóla Fjarðabyggðar með starfs­stöðvar í hverj­um kjarna, all­ir leik­skól­ar sam­ein­ist und­ir Leik­skóla Fjarðabyggðar með starfs­stöðvar í hverj­um kjarna og að all­ir tón­list­ar­skól­ar sam­ein­ist und­ir Tón­list­ar­skóla Fjarðabyggðar með starfs­stöðvar í hverj­um kjarna.

Segja þeir í tilkynningunni að ekkert samráð hafi verið haft við skólastjórnendur eða aðra aðila skólasamfélagsins um þær breytingar sem um ræðir og að engar upplýsingar hafi komið fram um ofangreindar breytingar fyrr en við birtingu fundargerðar bæjarstjórnar að kvöldi 27. febrúar 2024.

Frétt af mbl.is

Meirihlutinn óstarfhæfur vegna óeiningar

„Fulltrúa skólastjórnenda grunnskóla í samráðshópi var meinað að eiga samráð við eða upplýsa aðra skólastjórnendur í sveitarfélaginu um starf hópsins. Tillögur fulltrúa skólastjórnenda voru virtar að vettugi og ekki tekið mark á þeim,“ segir í tilkynningunni.

Þeir segja jafnfram í tilkynningunni að þeir óttist að „verði fyrirhugaðar breytingar að veruleika þá muni skólaþjónusta við grunnskólabörn skerðast og vegið verði að lögvörðum réttindum þeirra til náms.“

Frétt af mbl.is

Meirihlutinn í Fjarðabyggð ekki óstarfhæfur

„Lög um farsæld barna leggja ýmsar skyldur á aðila skólasamfélagsins. Skólastjórnendur óttast að ekki náist að uppfylla þær að fullu verði ofangreindar breytingar að veruleika,“ segir í tilkynningunni, sem vísar einnig í Kennarasamband Íslands, sem hafi bent á að tillögur bæjarstjórnar brjóti hugsanlega í bága við lög um grunnskóla sem og kjarasamninga Kennarasambands Íslands við Samband íslenskra sveitarfélaga.

• Blogga um frétt