„Hann var í fullu samstarfi við lögreglu“

Lögmaður Péturs Jökuls Jónassonar segir umbjóðanda sinn hafa tilkynnt lögreglu að hann hygðist koma til Íslands samdægurs og að hann væri eftirlýstur á vefsíðu Interpol.

„Hann gaf sig fram við mig og ég svo við lögreglu sama dag og eftirlýsingin kom fram hjá Interpol,“ segir Snorri Sturluson, lögmaður Péturs.

Hann segir að Pétur Jökull hafi ferðast á eigin kostnað til landsins. „Hann var í fullu samstarfi við lögreglu með þetta,“ segir Snorri.

Dvaldi í Taílandi 

Samkvæmt heimildum mbl.is dvaldi Pétur Jökull á Taílandi og flaug þaðan til Íslands. Hvorki Snorri né lögregla vildu staðfesta að svo hafi verið. 

Pét­ur Jök­ull var eftirlýstur hjá Interpol í tengsl­um við inn­flutn­ing í stóra kókaín­mál­inu svo­kallaða. Leikur grunur á að hann eigi aðild að tæp­lega 100 kílógramma innflutningi á kókaíni frá Bras­il­íu til Íslands. 

Frétt af mbl.is

Pétur Jökull handtekinn við komu til Íslands

Nokkra athygli vakti þegar lýst var eftir Pétri hjá Interpol um miðjan febrúarmánuð. Hann var hand­tek­inn við komu til Íslands á þriðjudag. 

Í yf­ir­lýs­ingu frá lög­reglu seg­ir að Pét­ur Jök­ull hafi verið úr­sk­urðaður í viku­langt gæslu­v­arðhald.

• Blogga um frétt