Hvassir vindstrengir suðaustan til

Það gengur í norðan 8-15 metra á sekúndu í dag og hvassara verður í vindstrengjum suðaustan til síðdegis.

Él verða á Norður- og Austurlandi og snjókoma allra syðst fram að hádegi, en bjartviðri annars staðar.

Frost verður á bilinu 2 til 10 stig.

Það lægir víða um land á morgun með sólríku veðri og kalt verður áfram.

Í athugasemd veðurfræðings á Veðurstofu Íslands kemur fram að staðbundnir hvassir vindstrengir verða og hviður um og yfir 30 m/s við Vatnajökul og undir Mýrdalsjökli seinnipartinn í dag. Gæti þetta verið varasamt fyrir ökutæki sem taka á sig mikinn vind.

Veðurvefur mbl.is

• Blogga um frétt