Verið að greina hvað olli lekanum í Hlíðunum

Starfsmenn frá Veitum unnu að því í nótt að einangra bilunina sem varð á kaldavatnslögn í Hlíðunum í gærkvöldi og koma í veg fyrir frekari leka en kalt vatn fór af hluta Skógarhlíðar. Á þriðja tímanum tókst að hleypa köldu vatni inn á kerfið á ný.

Frétt af mbl.is

Dældu upp úr kjallara og bílskúr

Lögnin sem gaf sig er við gatnamótin að Eskitorgi, Litluhlið, Lönguhlíð, Hamrahlíð, Eskihlíð og Hörgshlíð.

„Það flæddi töluvert vatn og við það truflaðist afhending á köldu vatni í nokkurn tíma. Nú er verið að fara yfir stöðuna og greina hvað olli þessu,“ segir Rún Ingvarsdóttir, upplýsingafulltrúi hjá Veitum, i samtali við mbl.is.

Frétt af mbl.is

Kalt vatn tekið að flæða í kjallara

Dæla þurfti vatni upp úr einum kjallara og bílskúr í Hlíðunum seint í gærkvöld eftir að kalt vatn flæddi þar um göturnar.

Búið er að girða svæðið af þar sem rof varð á kaldavatnslögninni í gærkvöld. mbl.is/Kristinn Magnússon

• Blogga um frétt