Nóttin var tiltölulega róleg á umbrotasvæðinu á Reykjanesskaga. 26 skjálftar hafa mælst frá miðnætti við kvikuganginn. 

„Það eru búnir að vera nokkrir smáskjálftar í Sundhnúkagígaröðinni, sem að er bara mjög eðlilegt miðað við stöðu síðustu daga,“ að sögn Hildar Maríu Friðriksdóttur, náttúruvásérfræðings á Veðurstofu Íslands.

Frétt af mbl.is

Eldgos líklegt um helgina

„Þetta er bara mjög svipað og það er búið að vera.“

Líkt og áður sagði hafa 26 skjálftar mælst við kvikuganginn frá miðnætti og voru þeir að sögn Hildar allir mjög litlir. 

„Það er ekkert sem bendir til þess að neitt sé að fara skella á akkúrat núna, en við bara fylgjumst vel með.“

Frekari upplýsinga um kvikumagn undir Svartsengi er að vænta í dag. Á fimmtudagsmorgun höfðu um 8,5-9 milljónir rúmmetra af kviku safnast.

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt