„Mjög líklegt á næstu mínútum eða klukkutímum“
Setja bókamerki
Þrýstingsbreytingar í borholukerfum HS Orku benda til þess að kvikuhlaup sé hafið. Skjálftavirkni er nú mest suðaustan Sýlingarfells en virknin gæti færst.
„Það [eldgos] er mjög líklegt á næstu mínútum eða klukkutímum. Það er alla vegana kvika á ferðinni,“ segir Benedikt Gunnar Ófeigsson, fagstjóri aflögunarmælinga á Veðurstofu Íslands, í samtali við mbl.is.
Þrýstingsbreytingar í borholukerfum HS Orku
Jarðskjálftavirkni jókst skyndilega við Sundhnúkagíga upp úr kl. 16 í dag. Stærsti skjálfti sem hefur mælst þar á síðustu klukkustundum er 2,4 að stærð.
Jarðskjálftahrinan heldur áfram en upp úr kl. 16.30 sáust þrýstingsbreytingar í borholum HS Orku í Svartsengi, að sögn Benedikts. Breytingarnar séu merki um að kvika sé „á ferðinni“.
Rýming hefur verið boðuð umhverfis Grindavík og Bláa lóninu.
Skýr merki um að kvikuinnskot sé í gangi
„Við erum ekki að sjá mikla aflögun enn þá en það eru skýr merki um að kvikuinnskot sé í gangi,“ segir hann.
Mesta skjálftavirknin eru suðaustan við Sýlingarfell og eldgos því líklegast þar eins og staðan er núna.
„En hún [virknin] getur færst til. Þetta eru merki um að kvika sé að reyna að troða sér eitthvert og við vitum ekkert hversu langt hún fer áður en hún kemst upp á yfirborðið, eða yfir höfuð kemst upp.“
Hagkerfið kólnar hratt og vilja sjá vaxtalækkun
„Þú ert bara orðin miðaldra kona“
Lögin leyfi fólki ekki að flýja sögu sína
Kerfið féll á prófinu
Óskiljanleg ákvörðun skólayfirvalda
Myndskeið: Krítverjarnir verði ákærðir fyrir manndrápstilraun
Stafræna byltingin étur börnin sín
Myndband: Hnúfubakar komu fjölskyldu á bát á óvart