Katrín: Ekki leitt hugann að Bessastöðum
Setja bókamerki
Katrín Jakobsdóttir forsætisráðherra þurfti að svara því í tvígang á Alþingi hvort að hún hygðist bjóða sig fram til forseta. Hún kvaðst ekki hafa leitt hugann að slíku framboði.
Þetta kemur fram í óundirbúnum fyrirspurnatíma í Alþingi fyrr í dag.
Guðmundur Ingi Kristinsson, þingmaður Flokks fólksins, beindi fyrirspurn sinni að Katrínu en hann sagði að í nýliðinni kjördæmaviku hafi ótrúlegur fjöldi kjósenda spurt hann hvort að Katrín ætlaði í forsetaframboð. Uppskar þessi fyrirspurn hans mikinn hlátur í þinginu.
Svar Katrínar virtist þó ekki útiloka framboð.
„Ég ætla bara að segja það að ég trúi því nú varla að í kjördæmaviku þingmanna Flokks fólksins hafi þetta verið eina spurningu - aðalspurningin. Þannig að ég vil bara hughreysta háttvirtan þingmann og segja að ég er bara enn í starfi mínu sem forsætisráðherra og verð hér áfram um sinn,“ svaraði Katrín.
Ekki leitt hugann að framboði
Guðmundur fór þá aftur upp í pontu og sagði þetta ekki svara spurningunni sinni.
„Já eða nei - af eða á: Ætlar hæstvirtur forsætisráðherra að bjóða sig fram til forseta eða er hann að íhuga það?“ spurði Guðmundur.
„Ég hef ekki leitt hugann að slíku framboði enda eru ærin verkefni í forsætisráðuneytinu,“ svaraði Katrín og uppskar hlátur í þingsalnum.
Æskuvinir sem fóru í víninnflutning frá Georgíu
38 létust í flugslysi
Spá 13-18 stiga frosti í borginni
Í vinnunni á aðfangadagskvöldi í 25 ár
Björgunarsveitir kallaðar út í nótt
Skoða ráðstafanir vegna mikillar kuldaspár
/frimg/1/53/82/1538213.jpg)
„Hálendið eiga menn að skoða“