Snjóþekja eða hálka í flestum landshlutum

Snjóþekja eða hálka er í flestum landshlutum, þó síst á Suður- og Suðausturlandi.

Flughálka er frá Selfossi að Þorlákshöfn en krapi er á kafla á Suðurstrandavegi. Hálka og snjóþekja er á Reykjanesbraut og víða á Suðurnesjum, að sögn Vegagerðarinnar.

Snjóþekja er á Hellisheiði og í Þrengslum og snjóþekja er á Holtavörðuheiði og Bröttubrekku.

Flughálka er á milli Akureyrar og Dalvíkur og einnig í Öxnadal, í Ljósavatnsskarði og á Víkurskarði.

Snjóþekja og skafrenningur er á Öxnadalsheiði en hálka á flestum öðrum leiðum.

Krapi er á Fagradal og Fjarðarheiði. Hálka eða hálkublettir eru á flestum leiðum á Austurlandi.

• Blogga um frétt