Það er fagnaðarefni að 72 palestínskir dvalarleyfishafar frá Gasa fái að nýta rétt sinn til fjölskyldusameiningar á Íslandi.

Þetta segir Katrín Jakobsdóttir forsætisráðherra í samtali við mbl.is að loknum ríkisstjórnarfundi í morgun.

„Eins og legið hefur fyrir þá var umsóknum fólks sem bárust fyrir 7. október – þeim var forgangsraðað af hálfu Útlendingastofnunar. Síðan hafa þessi mál verið töluvert í umræðu og eins og við höfum ítrekað sagt þá höfum við unnið að því greiða fyrir för þessa fólks til Íslands og sú vinna skilaði þessum árangri í gær,“ segir hún og bætir við:

„En það er bara fagnaðarefni að þetta fólk fái notið síns réttar sem það hefur öðlast hér á Íslandi.“

Frétt af mbl.is

72 dvalarleyfishafar á leið frá Gasa til Íslands

Ísrael líklega kannað bakgrunn fólksins

Dvalarleyfishafarnir komu til Kaíró, höfuðborg­ar Egypta­lands, seint í gær­kvöldi. Þeir halda í kjöl­farið til Íslands eft­ir að ísra­elsk stjórn­völd af­greiddu fyr­ir­liggj­andi nafna­lista um helg­ina. Katrín segir ferlið hafa verið flókið.

Bjarni Bene­dikts­son ut­an­rík­is­ráðherra átti síma­fund með Israel Katz, ut­an­rík­is­ráðherra Ísra­els, síðastliðinn þriðju­dag til að greiða fyr­ir af­greiðslu máls­ins.

Guðrún Hafsteinsdóttir dómsmálaráðherra segir í samtali við mbl.is að í ljósi þess að ísraelsk stjórnvöld hafi samþykkt listann þá megi gera ráð fyrir því að þarlend stjórnvöld hafi kannað bakgrunn fólksins. 

Frétt af mbl.is

Bjarni ræddi við utanríkisráðherra Ísraels

Tengdar fréttir

Flóttafólk á Íslandi

Ekki hægt að setja hámark á hælisumsóknir

• Telur ekki þurfa að herða útlendingalöggjöfina
• Engin ákvörðun tekin en er til skoðunar
• Umboðsmaður Alþingis skoðar dvalarleyfisumsóknir
• Hámarksdvalarleyfi lengt í fimm ár

» Fleiri tengdar fréttir

• Blogga um frétt