Umfangsmiklar aðgerðir lögreglu
Setja bókamerki
Lögreglan á höfuðborgarsvæðinu stendur í víðtækum lögregluaðgerðum í umdæminu og utan þess. Rökstuddur grunur leikur á mansali, peningaþvætti, brotum á atvinnuréttindum útlendinga og gruns um skipulagða brotastarfsemi.
Þetta kemur fram í tilkynningu frá miðlægri deild lögreglunnar á höfuðborgarsvæðinu.
Samkvæmt heimildum mbl.is snúa aðgerðirnar að Herkastalanum í Kirkjustræti þar sem rekið er gistihúsið Kastali Guesthouse.
Það er í eigu Davíðs Viðarssonar eiganda Vy-þrifa, Pho Víetnam og Wok On. Þá er hann eigandi að matvælalager sem heilbrigðiseftirlitið lokaði vegna óheilnæmra geymslu matvæla.
Eins lék grunur á því að fólk gisti á lagernum.
Hófust fyrir hádegi og munu standa yfir fram eftir degi
Aðgerðirnar hófust fyrir hádegi að því er fram kemur í tilkynningu frá lögreglunni. Munu þær standa fram eftir degi.
Í þeim felst að ráðist er í húsleitir á fjölmörgum stöðum.
Þá hefur lögreglan sett innsigli á Herkastalann að Kirkjustræti, einnig á hótel á Skólavörðustíg.
Samvinna fjölda aðila
Lögreglan fór í aðgerðirnar í samvinnu við lögregluliðin á Suðurlandi, Suðurnesjum og Norðurlandi eystra.
Þá koma einnig embætti ríkislögreglustjóra, tollgæslan, Útlendingastofnun, Vinnumálastofnun, ASÍ, velferðarsvið Reykjavíkurborgar, barnaverndaryfirvöld í Reykjavík, Kópavogi og Hafnarfirði að málinu auk félagsþjónustunnar í Kópavogi og Hafnarfirði.
Heilbrigðiseftirlit Reykjavíkur, slökkviliðið á höfuðborgarsvæðinu og Bjarkarhlíð koma einnig að aðgerðunum.
Segir í tilkynningu að lögreglan geti ekki veitt frekari upplýsingar að svo stöddu.
Langþráð hótel gæti risið á næsta ári
Í sjokki þegar þau sáu konuna í sjónum
Höddi Magg snýr aftur í enska boltann
Lífríki Mývatns er að taka við sér
Fjárfestingin mun hlaupa á milljörðum króna
Kostnaður áætlaður 8,6 milljarðar
Best að skella á og hringja strax í bankann
Íranir hafna allri aðild að banatilræðinu