Héraðsdómur Reykjavíkur féllst í dag á gæsluvarðhaldskröfu lögreglu yfir sex einstaklingum sem handteknir voru í umfangsmiklum aðgerðum lögreglu í gær. Þrír karlar og þrjár konur eru í haldi.

Að sögn Elínar Agnesar Kristínardóttur, aðstoðaryfirlögregluþjóns hjá lögreglunni á höfuðborgarsvæðinu, eru hin handteknu íslenskir ríkisborgarar.

Húsleitir voru gerðar á 25 stöðum, þar á meðal á tveimur stöðum í Hveragerði, á Akureyri og í Keflavík. Að sögn Elínar var ýmis tæknibúnaður, tölvur, símar og pappírar haldlögð.

Meintum þolendum mansals stendur til boða aðstoð frá hinum ýmsu stofnunum. Fram kom í tilkynningu frá lögreglu að ekki leiki grunur á því að börn séu þolendur mansals en meðal annarra tóku barnverndaryfirvöld þátt í aðgerðum gærdagsins. 

Frétt af mbl.is

Meint fórnarlömb mansals telja tugi

Tengdar fréttir

Matvælalager í Sóltúni 20

Alþjóðleg keðja kaupir rekstur Wok On

• Í hart við skiptastjóra
• Wokon mathöll gjaldþrota
• ASÍ segir ummælin tilhæfulaus og ósönn
• Adam tjáir sig ekki: Boðar yfirlýsingu frá ASÍ

» Fleiri tengdar fréttir

• Blogga um frétt