Mathöll Höfða skoðar samning sinn við Wok On
Setja bókamerki
Mathöll Höfða skoðar nú samning sinn við veitingastaðinn Wok On og íhugar næstu skref varðandi veru veitingastaðarins í mathöllinni.
Þetta segir Sólveig Andersen, einn af eigendum mathallarinnar, í samtali við mbl.is.
Eins og greint hefur verið frá þá sleit Krónan viðskiptasambandi sínu við Wok On í gær eftir umfangsmikla lögregluaðgerð. Rökstuddur grunur leikur á mansali, peningaþvætti, brotum á atvinnuréttindum útlendinga og gruns um skipulagða brotastarfsemi.
„Kom eins og þruma úr heiðskíru lofti“
„Við erum bara að skoða þetta út frá samningnum – hvað við getum gert. Þetta kom eins og þruma úr heiðskíru lofti þannig við erum ekki búin að taka neina ákvörðun en við erum klárlega að skoða málið.“
Veitingastöðum Wok On á höfuðborgarsvæðinu og í Hveragerði var lokað í gær, þar á meðal á Höfða. Á meðal þeirrar starfsemi sem lögreglan stöðvaði síðdegis í gær er gistihúsið Kastali Guesthouse.
Starfsemi Kastalans og Wok On er í eigu athafnamannsins Davíðs Viðarssonar. Hann rekur einnig Vy-þrif og veitingastaði Pho Vietnam.
/frimg/1/47/57/1475760.jpg)
Ekki fengið nein svör frá lögreglu
Sólveig segir að lögreglan hafi ekki gefið henni nein svör og því vinni stjórnendur mathallarinnar aðeins eftir þeim upplýsingum sem fram hafa komið í fjölmiðlum.
„Ég mátti ekkert vita og það mátti ekkert segja mér,“ segir hún um afskipti sín við lögregluna.
Eins og mbl.is greindi fyrst frá á síðasta ári þá voru Vy-Þrif með kjallara að Sóltúni 20 á leigu. Í þeim kjallara fundust vísbendingar um að fólk hafi hafst við. í Kjallaranum fannst mikið magn matvæla við óheilsusamlegar aðstæður. Koddar, dýnur, matarílát og tjald fundust þar einnig, sem var óhreinn og ekki meindýraheldur.
Heitavatnslaust á stóru svæði: Þetta þarftu að vita
Sér á eftir mjög fallegu landi og berjamó
Kristrún: Staðan er óboðleg
Úkraínumenn leggja undir sig Súdzha
„Alvarlegt ef þetta er eigin ákvörðun“
Engin mengun í vatnsbólinu
Landsvirkjun gerir tilboð í Toppstöðina