Gæsluvarðhald framlengt í Bátavogsmálinu
Setja bókamerki
Landsréttur hefur staðfest gæsluvarðhaldsúrskurð héraðsdóms í Bátavogsmálinu svokallaða, en henni er gert að sæta gæsluvarðhaldi til 29. mars.
Dagbjört Guðrún Rúnarsdóttir er sökuð um að hafa sambýlismanni sínum í Bátavogi til bana á heimili þeirra í september í fyrra.
Fram kemur í úrskurði Héraðsdóms Reykjavíkur að Dagbjörg hafi beitt margþættu ofbeldi í aðdraganda andláts sambýlismanns síns með höggum, spörkum og þrýstingi á andlit, klof, bol, handleggi og fótleggi auk þess að hafa tekið hann hálstaki með þeim afleiðingum að hann lést af völdum áverkanna.
Myndbönd og hljóðupptökur liggja fyrir
Fyrir liggja myndbönd og hljóðupptökur sem teknar voru á síma hins látna og Dagbjartar. Myndefnið er um tvær og hálf klukkustundir að lengd og á myndböndunum má sjá og heyra kærðu valda brotaþola ítrekuðum líkamsmeiðingum.
Við réttakrufningu komu í ljós fjölþættir ákverkar á hinum látna og fram kemur í rannsóknarniðurstöðu að það bendi sterklega til þess að dánarorsökin hafi verið köfnun vegna ytri kraftverkunar á hálsinn og efri öndunarveginn, auk þess sem samverkandi þættir vegna beináverka hafi stuðlað enn frekar að framvindu köfnunarferilsins.
Þá kemur fram að rannsóknarniðurstöður bendi sterklega til þess að áverkernir sem leiddu til dauðans hafi verið viljaverk annars manns.
Í úrskurði héraðsdóms, sem Landsréttur staðfesti, skal Dagbjörg sæta áfram gæsluvarðhaldi á grundvelli almannahagsmuna.
„Börn heima sem maður myndi vilja hafa í skjóli“
Víkingar komnir yfir 800 milljónir í greiðslur
Var engin kristnitaka árið 1000?
Þetta eru ráðherrar ríkisstjórnarinnar
Samfylking og Viðreisn gáfu loforð
Ný ríkisstjórn kynnt á morgun
„Þetta er ríkisstjórn almannahagsmuna“
Bjarni: „Útilokað að þetta geti gengið upp“
