Íbúar í Grindavík sem óska eftir því að selja ríkissjóði íbúðarhúsnæði sitt í gegnum Fasteignafélagið Þórkötlu, samkvæmt nýsamþykktum lögum Alþingis, geta nú fyllt út umsókn á Ísland.is.

Þetta kemur fram í tilkynningu á vef Stjórnarráðins en þar segir að gert sé ráð fyrir að vinnsla umsókna taki um 2-4 vikur, með fyrirvara um fjölda umsókna og umfang við vinnslu þeirra, sem gera má ráð fyrir að verði mismunandi eftir eignum.

Eigendur um 900 íbúða í Grindavík geta nýtt sér úrræðið.

Frétt af mbl.is

Altjón á áttunda tug húsa í Grindavík

Stór áfangi

„Rúmur tími verður gefinn til þess að sækja um að selja íbúðarhúsnæði, eða til áramóta.
Fjármála- og efnahagsráðherra hefur jafnframt undirritað samkomulag við helstu lánveitendur húsnæðislána í Grindavík um yfirtöku áhvílandi lána á því húsnæði sem keypt verður af íbúum Grindavíkur og endurfjármögnun þeirra í samræmi við samkomulagið,“ segir enn fremur í tilkynningunni.

„Þetta er stór áfangi og það er gleðilegt að lög um kaup íbúðarhúsnæðis Grindvíkinga séu komin til framkvæmda. Ætlunin var alltaf að gera Grindvíkingum kleift að ráða örlögum sínum sjálfir og opnun umsóknarferilsins er stór áfangi í því,“ er haft eftir Þórdísi Kolbrúnu Reykfjörð Gylfadóttur, fjármála- og efnahagsráðherra, í tilkynningu.

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt