Fagfélögin búin að skrifa undir
Setja bókamerki
Rafiðnaðarsamband Íslands, Matvís, VM og Grafía hafa skrifað undir kjarasamning við Samtök atvinnulífsins. Þetta kemur fram í tilkynningu frá SA.
Unnið var fram á nótt við gerð nýs samnings og menn náðu að leggja lokahönd á samninginn.
Samningurinn er sagður vera á svipuðum forsendum og Breiðfylkingin skrifaði undir á dögunum. Hann gildir frá 1. febrúar á þessu ári til 31. janúar 2028.
Stuðla að minnkun verðbólgu
„Með undirritun samningsins í dag hefur SA samið við drjúgan hluta félaga á almennum vinnumarkaði en sem kunnugt er kláruðust langtímasamningar við breiðfylkingu stéttarfélaga á almennum vinnumarkaði á dögunum.
Viðræður við Fagfélögin hafa staðið yfir samhliða viðræðum við breiðfylkinguna og eiga Fagfélögin mikilvægan þátt í þeirri launastefnu sem hefur verið mótuð,“ segir í tilkynningu SA.
Samningnum er ætlað að stuðla að minnkun verðbólgu og lækkun vaxta. Þannig aukist kaupmáttur og fyrirsjáanleiki í efnahagslífinu verði aukinn.
Þetta leiði til þess að samkeppnishæfni íslensks atvinnulífs styrkist. „Slíkur stöðugleiki er eitt stærsta hagsmunamál heimila og fyrirtækja á óvissutímum,“ segir í tilkynningu SA.
Launa- og forsendunefnd tekur til starfa
Einnig kemur fram að sérstök launa- og forsendunefnd muni taka til starfa til þess að styrkja forsendur og markmið kjarasamninganna.
Ef forsendur kjarasamninga standist ekki beri nefndinni að taka ákvörðun um viðbragð.
Íslensk kona handtekin á Tenerife eftir líkamsárás
Heimildarmenn tala um hápólitískt drama
Dæla, kæla og verja mikilvæg mannvirki
Létu lofthræðsluna ekki á sig fá
Kæling hraunsins þykir skila góðum árangri
Verkfalli lækna aflýst á síðustu stundu
Vinna hefst í dag við að reisa undirstöður