Slökkvistarf heldur áfram fram eftir kvöldi
Setja bókamerki
Lárus Kristinn Guðmundsson, varaslökkvistjóri hjá Brunavörnum Árnessýslu, segir að slökkvistarf við Hafnartúnshúsið á Selfossi muni dragast eitthvað fram eftir kvöldi.
„Eldurinn er núna bundinn við háaloft og þak, þannig að við erum að vinna í því,“ segir Lárus í samtali við mbl.is.
Hann segir að eldur hafi verið talsvert mikill þegar slökkvilið bar að garði. Húsið sé stórt og mikið einbýlishús. Allt tiltækt slökkvilið var kallað á vettvang.
Húsið líklega mannlaust
„Við verðum hérna í einhvern tíma áfram, við verðum hérna eitthvað fram eftir,“ segir Lárus Kristinn.
Ekki hefur verið tilkynnt um nein slys á fólki en húsið er talið hafa verið mannlaust þegar kviknaði í.
Stóð til að gera húsið upp
Ljóst er að gamla Hafnartúnshúsið sé mikið skemmt eftir eldinn. Húsið er gamalt einbýlishús við suðurenda nýja miðbæjarins á Selfossi. Til stóð að gera það upp.
Íbúar í nágrenni brunans eru beðnir um að hafa glugga lokaða og að halda sig í hæfilegri fjarlægð til að trufla ekki störf viðbragðsaðila.
„Viðvaranir dynja á okkur úr öllum áttum“
„Heppinn að vera ekki framþyngri“
Sekt fyrir barnakynlífsdúkkur: Kallaði sjálfur til lögreglu
„Stendur ekkert til að létta þessu taumhaldi“
Ólafsvíkingar létu veðurhaminn ekki aftra sér
Nánast allir vinirnir snúið við honum baki
Sólarhringsaðstoð á hverfastöðvum borgarinnar