Sigríður Margrét Oddsdóttir, framkvæmdastjóri Samtaka atvinnulífsins, segir að sú ákvörðun VR að hrinda af stað atkvæðagreiðslu um verkföll félagsmanna VR á Keflavíkurflugvelli hafi komið SA í opnu skjöldu.

„Þetta kom okkur fyrst og fremst í opna skjöldu í ljósi þess að ekki hafði átt sér stað samtal um þær kröfur sem voru lagðar fram þegar til atkvæðagreiðslunnar var efnt,“ segir Sigríður Margrét í samtali við mbl.is.

Frétt af mbl.is

„Er bjartsýnn þar til annað kemur í ljós“

Klukkan 9 í morgun hófst atkvæðagreiðsla hjá félagsfólki VR sem starfar í farþega- og hleðsluþjónustu Icelandair á Keflavíkurflugvelli og lýkur henni á fimmtudaginn.

„Ég trúi ekki öðru en að Icelandair sé tilbúið til þess að koma á móts við þessa hópa. Þetta er eitt af stóru málunum sem við þurfum að klára,“ sagði Ragnar Þór Ingólfsson, formaður VR, við mbl.is í morgun.

Eigum að geta náð samningi fljótt og vel

Samningafundur Samtaka atvinnulífsins með VR og LÍV hófst í Karphúsinu klukkan 10 í morgun og segist Sigríður reikna með að fundað verði eitthvað fram eftir degi.

Frétt af mbl.is

Viðræður ættu að taka stuttan tíma

„Við erum að ræða um þau sérmál sem útaf standa í kjarasamningi Samtaka atvinnulífsins við VR og ræða auðvitað um sérkjarasamning fyrir hönd Icelandair,“ segir Sigríður við mbl.is.

Ert þú bjartsýn að hægt verði að landa samningi á næstu dögum?

„Við eigum að geta gengið frá samningi fljótt og vel.“

Tengdar fréttir

Kjaraviðræður

Boða verkföll í fjórum skólum til viðbótar

• Börn hafi engan rétt á leikskólakennslu
• „Það er bara góð vinna í gangi“
• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ

» Fleiri tengdar fréttir

• Blogga um frétt