Hraun rennur hratt í átt að Grindavíkurvegi
Setja bókamerki
Tvær hrauntungur hafa myndast úr þeirri gossprungu sem opnaðist í kvöld. Rennur hraun nú hratt í átt að Grindavíkurvegi við Svartsengi og í átt að varnargarði austan við Grindavík.
Ekki þykir ólíklegt að sá varnargarður leiði hraunið yfir Suðurstrandarveg.
Þetta segir Víðir Reynisson, yfirlögregluþjónn almannavarnadeildar ríkislögreglustjóra, í samtali við mbl.is.
Örugg að svo stöddu
Varnargarðurinn sem tekur á móti hraunflæðinu fljótlega er kominn í fulla hæð og eru líkur á að hann leiði hraunið suður í átt að Suðurstrandarveginum.
Ef hraunflæði heldur áfram í einhvern tíma þá gæti hraun runnið yfir Suðurstrandarveg.
Víðir segir að hús í Grindavík séu talin örugg að svo stöddu vegna varnargarðsins.
Innan við kílómetra frá Grindavíkurvegi
Önnur hrauntunga rennur í átt að Grindavíkurvegi og eru 900 metrar í að hraunið nái veginum að sögn Víðis. Ef hraunið nær veginum fer það líklega yfir veginn á svipuðum slóðum og þegar hraun rann yfir veginn 8. febrúar.
Aðeins kílómetri er frá veginum að Njarðvíkuræðinni, heitavatnslögninni sem sér Suðurnesjum fyrir heitu vatni.
Víðir segir að búið sé að gera allt sem menn töldu að hægt væri að gera til að tryggja lögnina, eins og til dæmis að fergja hana.
Litlar líkur á að hraunið nái til mannvirkja
Yfir 300 stæði fóru undir hraun
Mjög alvarlegt ef Njarðvíkuræð gefur sig
Maskína: Framsókn í fallbaráttu
Virknin dregist saman um 600 metra
/frimg/1/53/8/1530849.jpg)
Fatlaður drengur fær ekki þjónustu í verkfalli
„Má segja að þetta gos hafi þjófstartað“
Mæðgur dæmdar til að greiða 64 milljónir