Menningar- og viðskiptaráðuneytið leggur til að fýsileiki þess að stofna svokallaða máltækni- og gervigreindarmiðstöð Íslands verði skoðaður. 

Þetta kemur fram í nýrri máltækniáætlun sem ráðuneytið kynnti á fimmtudag. Áætlunin, sem var unnin af stýrihóp ráðuneytisins, telur fram sjö tillögur og kjarnaverkefni og byggir á fyrri máltækniáætlun ráðuneytisins.

Ein tillaga felst í svokallaðri máltækni- og gervigreindarmiðstöð Íslands og er það álit hópsins að æskilegt sé að stjórnvöld stefni að því að koma á fót sambærilegri gervigreindar- og máltæknistofnun á Íslandi og þekkist í öðrum Norðurlöndum og víðar í Evrópu.

Miðstöðinni yrði komið á fót í samstarfi við háskóla-, iðnaðar- og nýsköpunarráðuneytið.

Frétt af mbl.is

Ný aðgerðaáætlun í gervigreind

100 milljónir á ári í þróun máltækniverkefna

Þá er einnig lagt til að 60 milljónum króna verði varið árlega í hagnýtingarverkefni í máltækni og að áhersla á kynningarstarf og ráðgjöf fyrir máltækni veðri stóraukin.

Í áætluninni er einnig lagt til að 100 milljónum króna sé varið árlega í áframhaldandi þróun kjarnaverkefna í máltækni. Þá verði einnig nýtt viðhaldsfyrirkomulag fyrir máltækniinnviði sett á laggirnar.

Þá verði einnig úttekt gerð á CLARIN-samstarfinu, rann­sókn­ar­innviðaverk­efni Evr­ópu­sam­bands­ins.

Tengdar fréttir

Gervigreind

Gervigreindin geti verið viðbót

• Jákvætt að ríkisútvarpið nýti gervigreind
• „Hættulegt“ að lauma stórum breytingum í gegn
• Dregur kæruna gegn OpenAI til baka
• Telja gervigreind fækka handtökum

» Fleiri tengdar fréttir

Íslenska

Takast á um „woke-afbökun íslenskunnar“

• Bubbi fagnar degi íslenskrar tungu á RÚV
• Innleiða íslenskunám fyrir erlent starfsfólk
• Móttökuskólar „betri leið til inngildingar“
• Glænýr íslenskuvefur á að einfalda málið

» Fleiri tengdar fréttir

• Blogga um frétt