Eld­gosið sem braust út á Sund­hnúkagígaröðinni í gærkvöldi hefur vakið at­hygli út fyr­ir land­stein­ana ef marka má umfjallanir í hinum ýmsu erlendu miðlum.

Fréttaflutningurinn er mis­drama­tísk­ur en flestir fjölmiðlarnir virðast þó fjalla um málið af yfirvegun. 

Fréttastofa breska ríkisútvarpsins fjallar um neyðarástand á Íslandi í kjölfar gossins á Reykjanesskaga. 

Danska ríkisútvarpið birti frétt með fyrirsögninni „Aftur gýs í íslensku eldfjalli" og lætur myndband af gosinu fylgja. 

Norska ríkisútvarpið ræddi við norska stúlku sem er stödd á Íslandi ásamt skólafélögum sínum. Þegar hún lenti á Keflavíkurflugvelli fyrr í dag sá hún gosið vel úr lofti.  

Einnig hefur verið fjallað um gosið í fréttamiðlunum BBC, CNN, Reu­ters, SVT, METRO og Bloom­berg.

Erlendu fréttirnar eiga það flestar sameiginlegt að fjalla um þá staðreynd að um sé að ræða fjórða gosið á stuttum tíma og nálægð gossins við Bláa lónið.

Einnig er nálægðin við Keflavíkurflugvöll oft til umfjöllunar og þá tekið fram að flugumferð fari fram með eðlilegum hætti.

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Eldfjallið?