Starfsemi virkjunarinnar í Svartsengi er óröskuð þrátt fyrir eldgosið sem hófst í gær. Í nótt leit út fyrir það að háspennulínur gætu verið í hættu en hrauntungan virðist hafa stoppað í morgun, 200 metrum frá háspennulínum og heitavatnslögninni.

Þetta segir Krist­inn Harðar­son, fram­kvæmda­stjóri fram­leiðslu hjá HS Orku, í samtali við mbl.is.

„Svartsengi er bara í fullum rekstri og ekkert rof á okkar starfsemi. Sömuleiðis eru alla lagnir frá orkuverinu öruggar. Hrauntungan sem þarna kom stöðvaðist svolítið frá háspennulínum og heitavatnslögninni okkar þannig það urðu engin áhrif á þær lagnir,“ segir Kristinn.

Frétt af mbl.is

Eldgos á Sundhnúkagígaröðinni

Leit illa út á tímapunkti

Virkjuninni var fjarstýrt í nótt frá Reykjanesvirkjun en núna eru starfsmenn mættir aftur í Svartsengi.

Á ákveðnum tímapunkti í nótt voru blikur á lofti en allt stefndi í að hrauntungan myndi ná að Svartsengislínu 1 og heitavatnslögninni. Búið var að fergja heitavatnslögnina en Svartsengislína 1 var nokkuð berskjölduð. Starfsmenn fóru því í Svartsengi í nótt til að ráðst í fyrirbyggjandi aðgerðir.

„Við fórum í svona fyrirbyggjandi aðgerðir til að tryggja rafmagnsöryggi inn í virkjuninni og þurftum því að taka rafmagn af Grindavík í skamma stund vegna þess.

Það var gert til þess að auka stöðugleika í rekstri virkjunarinnar til að geta afhent heitt vatn alveg óskert, ef til þess kæmi að það yrði skammhlaup á háspennulínunni. En það er búið að færa þetta allt til fyrra horfs og allt komið í eðlilegan rekstur,“ segir Kristinn.

Frétt af mbl.is

Allur rekstur með eðlilegum hætti

Orkuverið öruggt

Er eitthvað annað sem þið hafið áhyggjur af núna eða lítur þetta allt ágætleg út?

„Þetta lítur allt mjög vel út. Það virðist vera að hraunið hafi stöðvast á þessum stað og á meðan svo er þá er starfsemin örugg og orkuverið öruggt innan varnargarðana.“

Frétt af mbl.is

Bein útsending frá eldgosi og varnargörðum

Tengdar fréttir

Eldvirkni á Reykjanesskaga

Hópur fólks reyndi að komast að eldgosinu

• Nyrstu hrauntungurnar dreifa úr sér
• Hraun kemur úr þremur gígum: Virknin stöðug
• Aldrei runnið vestar: Um 100 metrar á klukkustund
• Myndir: Náttúrulegur þröskuldur að taka við

» Fleiri tengdar fréttir

• Blogga um frétt