Sagðist lítið muna eftir skotárásinni í Úlfarsárdal
Setja bókamerki
Shokri Keryo sagðist ekki muna eftir miklu kvöldið 2. nóvember 2023 er hann er sagður hafa skotið fjórum skotum í áttina að fjórum einstaklingum í Úlfarsárdal í Reykjavík.
Hann er ákærður fyrir tilraun til manndráps en aðalmeðferð í málinu hófst í Héraðsdómi Reykjavíkur í dag.
Neitar að hafa hleypt af
Shokri neitar að hafa hleypt af fjórum skotum úr bifreið í áttina að fjórum einstaklingum er þeir stóðu utandyra við íbúðarhúsnæði í Silfratjörn. Eitt skotanna fór inn um glugga hjá fjögurra manna fjölskyldu, sem er málinu að öllu óviðkomandi.
Rúv greinir frá því að Shokri hafi gefið skýrslu fyrir dómi á sænsku. Hann sagðist ekki muna mikið eftir kvöldinu fyrir utan að vinur hans frá Svíþjóð hefði verið með honum í bílnum. Hann sagðist aldrei hafa séð byssu eða átt neitt persónulega sökótt við mennina fjóra.
Shokri sagði að menn hefðu vissulega verið æstir en að hann hefði haldið að það ætti að slást, alls ekki notast við skotvopn.
Kveðst ekki muna eftir árásinni
Sá sem særðist í árásinni heitir Gabríel Douane Boama en hann hefur hlotið dóma fyrir ofbeldisbrot. Hann sagðist ekkert muna eftir árásinni fyrir dómi, né vita um hana.
Mennirnir sem voru með Shokri í bílnum sögðu fyrir dómi að mennirnir fyrir utan íbúðarhúsnæðið hefðu verið ógnandi og sögðu rótina vera hefnd fyrir rán eða hnífstunguárás.
Fundur hafinn hjá kennurum, ríki og sveitarfélögum
Vilja 20 ára dóm í frönsku nauðgunarmáli
Vonir bundnar við morgundaginn
Ákærður fyrir stunguárás á menningarnótt
Ekki hægt að slá gosið út af borðinu strax
Rannsókn á menningarnæturmáli lokið
Dæla, kæla og verja mikilvæg mannvirki
Börnin eiga að ýta við foreldrum sínum