Ekkert virðist vera að draga úr gosinu og er staðan óbreytt frá því í dag. Þetta seg­ir Ein­ar Hjör­leifs­son, nátt­úru­vár­sér­fræðing­ur á Veður­stofu Íslands, í samtali við mbl.is.

Það er í syðsta hluta sprungunnar, skammt frá Sundhnúkagígum rétt austan við Sundhnúk sjálfan, þar sem virðist áfram vera sæmileg virkni.

Frétt af mbl.is

Hæg hreyfing á hrauntungunni

Áfram kvika sem kemst upp á yfirborðið

„Það virðist áfram vera virkni í þessu núna og virðist einnig ætla að halda eitthvað áfram inn í nóttina,“ segir Einar.

Í fyrstu var búist við því að gosið yrði mun skammlífara. Spurður hvers vegna þetta gos virðist lifa lengur segir Einar að upphaflega hafi verið miðað við gosin á undan. Þetta hagar sér lítillega á annan hátt að hans sögn.

„Það virðist áfram vera kvika sem leitar upp og á auðvelt með að komast til yfirborðs.“

Hraunstraumarnir sem virtust vera að stefna í sjóinn virðast vera að kólna niður. Ef þeir eru á hreyfingu þá hreyfast þeir mjög hægt þessa stundina.  

Hann segir að Veðurstofan muni áfram fylgjast með stöðunni í nótt. 

Frétt af mbl.is

Bein útsending frá eldgosi og varnargörðum

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt