Virknin í eldgosinu við Sundhnúkagígaröðina virðist vera svipuð og í gærkvöldi en gígveggirnir eru búnir að stækka, líkt og gerðist í eldgosunum í Geldingadal og Fagradalsfjalli. Virkni er í  syðsta gígnum en enginn virkni er sjáanleg norður af honum. Gossprungan er um þriggja kílómetra löng.   

Þetta segir Bjarki Kaldalóns Friis, náttúruvársérfræðingur hjá Veðurstofu Íslands.

Frétt af mbl.is

Bein útsending frá eldgosi og varnargörðum

Flogið var yfir svæðið með dróna um klukkan 21 til 22 í gærkvöldi og hafði þá engin hreyfing verið á hrauninu sem rennur í vestur í átt að Njarðvíkuræðinni. Hafði hraunið lítið breyst frá því í gærmorgun. Í gærkvöldi virtist hrauntungan hafa stoppað í um 180 m fjarlægð frá Njarðvíkuræðinni.

Frétt af mbl.is

Myndskeið: Silast áfram í átt að veginum

Hrauntungan sem rennur í suður var um 350 til 450 metra frá Suðurstrandarvegi. Hreyfingin þá var mjög lítil og segist Bjarki efast um að hraunið hafi hreyfst mikið síðan um níuleytið í gærkvöldi.

Engin skjálftavirkni er í kvikuganginum, sem er algengt þegar eldgos hefur farið af stað.

Tengdar fréttir

Eldvirkni á Reykjanesskaga

Bláa lónið framlengir lokun fram á föstudag

• Dvalið í 46 húsum í nótt
• Vandræðagangur á ferðamönnum
• Tókst að stöðva rennslið við rafmagnsmastrið
• Munu vinna dag og nótt við að hækka varnargarðana

» Fleiri tengdar fréttir

• Blogga um frétt