Bilun í mæli og ekki hættuástand
Garður. Mynd úr safni.
mbl.is/Sigurður Bogi
Setja bókamerki
Mjög há gildi brennisteinsdíoxíðs mældust í Garði nú síðdegis. Komið hefur í ljós að um var að ræða bilun í mæli.
Mæling kl 16.50 sýndi tæplega 28.000 míkrógrömm á rúmmetra. Klukkan 17 hafði gildið hækkað í tæplega 30.000 míkrógrömm. Sendu almannavarnir þá út viðvörun.
Til samanburðar miðast efstu mörk Umhverfisstofnunar við gildi umfram 14.000 míkrógrömm.
Aldrei mælst slík gildi
Þorsteinn Jóhannsson, loftgæðasérfræðingur á Umhverfisstofnun, upplýsti að aldrei hefðu mælst slík gildi í byggð á Íslandi.
Var íbúum Garðs ráðlagt að dvelja innandyra, loka gluggum og slökkva á loftræstingu.
Nú er komið í ljós, eins og áður sagði, að mælirinn var bilaður.
Fréttin hefur verið uppfærð.
Ellefu skjálftar síðasta sólarhringinn
Hækkun skilaði sér til bænda
Bjarni: „Útilokað að þetta geti gengið upp“
Alvarleg netárás á Wise
Segja tölur um opinbera starfsmenn skakkar
„Þetta er ríkisstjórn almannahagsmuna“