Kristrún Frostadóttir formaður Samfylkingarinnar segir að ekki sé verið að gera athugasemd við skoðun Þórdísar Kolbrúnar R. Gylfadóttur, fjármála- og efnahagsráðherra, á fyrirhuguðum kaupum Landsbankans á TM, heldur sé athugasemd gerð við ferlið.

Kristrún ýjaði að því að Þórdís hefði ekki sinnt eftirlitsskyldu sinni með skorti á samskiptum við Bankasýsluna. 

Vill svör um samskipti við Bankasýsluna

„Við þurfum svör við því hver samskipti fjármálaráðherra voru við Bankasýsluna frá því að hún tók við embætti í október. Hér reyndar kom fram í fyrri umræðum að þau hafi í raun verið engin þrátt fyrir eftirlitsskyldu ráðherra,“ sagði Kristrún.

Hún sagði Þórdísi ekki telja sig bera ábyrgð á málinu, en að Umboðsmaður Alþingis telji svo vera og vísaði til álits Umboðsmanns um söluna á hlut ríkisins í Íslandsbanka.

Frétt af mbl.is

Bjarni segir af sér embætti fjármálaráðherra

Veltir fyrir sér skaðabótaskyldu

Kristrún benti á að greiða þurfi mögulega skaðabætur, falli fyrirhuguð kaup niður:

„Við þurfum að fá svör við því hvaða afleiðingar það muni hafa fyrir íslenskan almenning að ráðherra og ríkisstjórnin hafi sofið svona stórkostlega á verðinum í þessu mikilvæga máli, sem gæti leitt til skaðabótaskyldu og þar með falið í sér mikinn kostnað fyrir íslenskan almenning.“

Tengdar fréttir

Landsbankinn kaupir TM

Áhrif kaupanna á TM hófleg að mati S&P

• Styður niðurstöðu bankaráðsins
• Leggja niður starf Sigurðar hjá Kviku
• Landsbankinn búinn að ganga frá kaupum á TM
• Nýtt bankaráð kjörið

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Kristrún bullar...