Ætla að hækka varnargarða
Setja bókamerki
Tekin hefur verið ákvörðun um að hækka austasta hluta varnargarða norðan við Grindavík. Ari Guðmundsson, verkfræðingur hjá Verkís, staðfesti þetta í samtali við mbl.is rétt í þessu.
Vinnan verður sett í gang nú á eftir.
Hraunflæðið er til suðausturs í áttina að suðurstrandarvegi en einnig til vestur í átt að varnargörðunum.
Unnið allan sólarhringinn
Ari segir að búið sé að fylgjast með þessu áhlaupi í dag sem kom á varnargarðinn og hefur hraunið tekið upp virka hæð á garðinum.
Varnargarðurinn verður hækkaður frá innanverðri hliðinni.
„Við byrjum á þessu núna og vinnum í næturvinnu líka. Það verður bara að koma í ljós hvernig gengur. Það þarf að byrja á því að gera leið þarna innanverðu og byrja síðan á hækkuninni,“ segir Ari.
Þá segir hann óljóst eins og er hvað þessi vinna mun taka langan tíma.
Vilja 20 ára dóm í frönsku nauðgunarmáli
Kæling hraunsins þykir skila góðum árangri
Þurfa að fjölga um 100 legurými
Ekki hægt að slá gosið út af borðinu strax
Verkfalli lækna aflýst á síðustu stundu
Auka aðgengi að Grindavík
Fundur hafinn hjá kennurum, ríki og sveitarfélögum